Берасце

Да горада-юбіляра

МІНСК — БЕРАСЦЕ — МІНСК

Берасце - першы горад на тэрыторыі сучаснай Беларусі, які атрымаў Магдэбургскае права. Пабачым з Вамі месца адкуль ён пачаўся, і што знаходзіцца зараз на гэтым месцы. Наведаем з Вамі Музей выратаваных каштоўнасцяў.

Пабачым з Вамі вуліцу з гістарычнай забудовай канца XIX ст., помнік 1000-годдзю гораду Берасця. Помнік задуманы як мадэль горада, выяўленая ў гістарычных вобразах (князь Уладзімір Васількавіч, вялікі князь Літоўскі Вітаўт, а таксама Радзівіл, Мікалай Чорны) і ў абагульненых вобразах жыхароў горада (летапісец, салдат, маці). Усе фігуры размешчаны под покрывам Анёла-ахоўніка.

Інфармацыя пра тур
Заезды і наяўнасць месцаў Няма заездаў
Дзён 1
Кошт 70 BYN
Патрэбны карпаратыўны тур?

Галерэя


Праграма тура

Наша экскурсія пачнецца з доўгай дарогі да слаўнага Магдэбурскага горада Берасце. Дарэчы, гэта першы горад на тэрыторыі сучаснай Беларусі, які атрымаў такое права на самакіраванне. Пабываем з Вамі на зліцці двух рэк — Мухавец і Заходні Буг — дзе і пачынаўся тысячагадовы горад Берасце. Пройдземся з Вамі па комплексу Берасцейскай крэпасці, праз знакамітую Холмскую браму. 

Абед у кафэ (аплачваецца дадаткова).

Далей мы наведаем Музей выратаваных каштоўнасцяў — унікальны музей з творамі мастацтва, рэчамі ды іконамі, якія так і не змаглі перавесці праз мяжу кантрабандысты.

Пасля музея нас чакае аглядная пешаходная экскурсія па святочнаму гораду, тут мы пазнаёмімся са старажытнай забудовай, грамадзкімі і культавымі будынкамі.

Наведванне святочных мерапрыемстваў і вольны час для набыцця сувеніраў мясцовых майстроў таксама стане прыемным падарункам для Вас.

Фінальны акорд вандроўкі — ўдзел у традыцыйным запальванні ліхтароў на вуліцы Савецкай. Ліхтаршчык, у адпаведнай форме, як і 100 год таму запаліць керасінавыя лампы па ўсёй даўжыні вуліцы Савецкай.


Водгукі

Пакуль што няма водгукаў


Пакінуць свой водгук

Мы не публікуем ваш E-mail